O Servicio Galego de Promoción da igualdade do home e da muller convoca axudas para mulleres soas con responsabilidades familiares non compartidas.
As axudas consisten en estadías de ocio e tempo libre cunha duración de unha semana (8 días e 7 noites) e van dirixidas a aquelas mulleres que polas suas especiais características teñen dificultades para disfrutar do seu tempo de lecer.
Convócanse ata un máximo de 95 prazas para mulleres con fillas e/ou fillos ao seu cargo, residentes na Comunidade Autónoma de Galicia. Os menores para poder asistir deberán ter entre 2 e 12 anos de idade. Os gastos de aloxamento, manutención, monitoras e transporte serán sufragados polo organismo convocante e as estadías deberán levarse a cabo necesariamente no mes de xullo.
O prazo de presentación de solicitudes é de 10 días contados a partir da súa data de publicación no DOG, e os requisitos para ser beneficiaria de esta axuda son os seguintes:
a) Ter fillas e/ou fillos a cargo.
b) Estar domiciliadas na Comunidade Autónoma de Galicia.
c) Dispoñer dunha renda que, tendo en conta todos ingresos do conxunto da unidade familiar, divididos polo número de membros que a compoñen, non supere o salario mínimo interprofesional (SMI).
d) Non padecer ela, nin as fillas e/ou fillos que a acompañen, enfermidade que requira illamento e/ou que impida a normal convivencia.
Para máis información consulten o DOG do xoves 8 de maio.
1. a poeta o Xoves, 08/05/2008 ás 23:41:
home por fin era hora de que realmente pensasen nas mulleres con cargas familiares sen necesidade de ter que pagar ou esperar que tiveran que marchar os nenos cos ex co que tampouco un queda tranquilo, pero en fin pouco a pouco pero vamos superandonos
BRAVO!!!!!!