Os nenos e nenas das ociotecas lucenses (Frigsa, Uxio Novoneira e Fontiñas) participarán ó longo de toda esta semana en diversos obradoiros de educación para a igualdade, que tratarán temas tan importantes como o sexismo nos xogos, televisión, debuxos animados, publicidade, etc.
Os obradoiros, que forman parte do programa de actividades da celebración do centenario do Día da Muller, serán levados a cabo pola educadora social da casa da muller a partir das 17 horas os días 5, 6 e 7 de maio.
O que se pretende e crear nos nenos e nenas, un espírito crítico e un espazo de reflexión sobre os valores que se lles están a transmitir, ou simplemente ter en conta outro tipo de actividades lúdicas alternativas ás que reproducen problemas tan ancestrais como o sexismo, os estereotipos, os roles de xénero, o abuso da forza ou a violencia.
As actividades inclúen un obradoiro de reciclaxe de xoguetes, contacontos, xogos cooperativos e o visionado de publicidade, debuxos ou películas infantís, como “Shrek” ou “La bella y la bestia” ca conseguinte reflexión sobre algúns valores que están a transmitir.
