eMuller

É a pregunta e o tema que impera nas últimas conversas das miñas amizades, e de seguro, tamén de moitos de vós. Inmersos como estamos no comezo dunha dura crise económica, con folgas e psicose colectiva incluida (vamos todos e todas a gasoliñeiras e supermercados para acaparar reservas, non vaia ser que quedemos sen nada). Parece chegar o apocalipse se nos falta o gasoi no coche… Neste contexto, quen non se pregunta, canto vai a durar esto? Cara onde imos? Ten limite este sistema económico globalizador capitalista que impera no mundo?

Seica a priori non teñen moito que ver estos temas coa temática habitual do blog pero… tal e como esta construida a sociedade actualmente se falla o econónico falla todo, e tendo en conta a situación de desigualdade na que se atopan, en xeral, as mulleres, eso fainas, tal vez, máis vulnerables á crise.

O certo é que toda esta reflexión ven a conto dunha reportaxe que acabo de ver na TVE, nun programa que descubrin hoxe, “Repor”. A reportaxe trataba sobre unha iniciativa sevillana, Ecolocal, unha tenda na que o diñeiro non é necesario, ti colles o que necesitas e a cambio deixas o te sobra. Unha grandisima idea dende o meu punto de vista, que me fai pensar… é outro mundo posible? Unha grandísima idea baseada en unha das características máis propias e intrínsecas do ser hamano, o intercambio.

Outro mundo é posible? Tal vez o sería se en vez de primar o diñeiro, o consumo, a competitividade e o individualismo tratásemos de educar á nosa mocidade en valores de igualdade, solidaridade e cooperación.