eMuller

Gustaríame inaugurar hoxe unha sección nova dedicada ás mulleres músicas.

Comezaremos con Elizabeth Cotten (Carolina do Norte), unha das mestras do blues. A canción que podedes ver no seguinte vídeo a compuxo canda tiña 11 anos, ás agachadas,  porque a súa familia non lle deixaba tocar a guitarra; estaba mal visto nas mulleres. Como tantas mulleres de entón (e de agora) casou e como tantas mulleres (de sempre) o seu home prohibiulle facer o que máis quería, que no seu caso era tocar a guitarra. Así que Elizabeth ,”Libba”, como tantas mulleres (fixeron, fan e farán) foise da casa coa súa filla e mandou ao seu home a tomar por saco. Chegou a Washington  DC, e alí coñeceu á familia Seeger, para a que traballou como empleada doméstica. Como sempre pasa nos contos e , nunca ou casi nunca, na realidade, a familia Seeger non són non se aproveitou da situación dunha mucama “desprazada interna”, para explotala (non vos sona?), senón que axudouna a comezar coa súa carreira musical. América é América, a pesar de Bush e outros persoaxes da súa ralea.

Precisamente neste vídeo aparece con Pete Seeger, un extraordinario músico fok, ao que Bruce Springsteen rescata nun dos seus últimos traballos. Seeger é un defensor dos dereitos humanos, condenado a un ano de cárcel e a moitos máís de censura polo Comité de Actividades Antiamericanas.

Volvendo a “Libba”, por sorte a vida foi xenerosa con ela (viviu ata os 95 anos) e tivo tempo para ver editado o seu primeiro disco aos 66 anos e ata recoller un Grammy.

Qué historia! Verdade?

Tentarei traer aquí a outras mulleres músicas. Esperamos a vosa colaboración.