Tal como aconteceu hai agora un ano nas rúas de Compostela, Implicadas/os No Desenvolvemento leva o problema do abastecemento de auga en Etiopía, e en toda África, ás rúas galegas. Desta vez, facendo que O Camiño da Auga recorra a muralla luguesa e as rúas da cidade. Esta mañá, de reivindicación e sensibilización, pero tamén de diversión, o programa transcorrerá como indicamos a seguir:
11.00 h. Chegada das autoridades públicas convidadas. Recibiraas María Reimóncez, en representación de Implicadas No Desenvolvemento, no adro da catedral.
11.30 h. Comeza o percorrido pola muralla e as rúas de Lugo carrexando as mesmas garrafas que utilizan as mulleres etíopes, cheas de auga, que irán pasando de persoa a persoa por quendas, xa que se animará ao público presente a unirse ao camiño da auga. O percorrido será o seguinte.
- Porta de Santiago
- A Mosqueira
- Campo Castelo
- Rúa de San Pedro
- Rúa Xoán Montes
- Rúa da Raíña
- Praza Maior
No percorrido contaremos, entre outras con:
- Carmen Basadre, Concelleira de Muller e Benestar a cantante
- Pilocha, cantante
- Blanca Rodríguez Pazos, Delegada de Vicepresidencia y Benestar Social
- Lucía López Bayo, xornalista
- María Reimóndez, escritora e presidenta de Implicadas
- Pilar Neira, presidenta de Mulleres Deportistas Galegas e Seleccionadora galega de fútbol
- Iria González-Dopeso, deportista paralímpica
- Asociación contra a Violencia de Xénero Enriqueta Otero
- A Cova da Terra
12.00 h. Comezan as actividades de animación de rúa na Praza Maior organizadas polas asociacións ATEIBO e María Castaña: xogos, obradoiro de globoflexia, distribución de folletos, etc.
13.00 h. Chegada á Praza Maior e lectura do manifesto.
Agardamos contar con todas e todos vós nesta xornada, tan importante para Implicadas.
Máis información en www.augaparaetiopia.org
